Patay sa panagsangka tali sa usa ka yunit sa Bagong Hukbong Bayan-Surigao del Sur ug grupong paramilitar nga Magahat-Bagani niadtong Oktubre 4 si Hawudon Jumar Bucales ug duha pa niyang kauban. Giambus sa mga Pulang manggugubat ang grupo ni Bucales sa Sityo Mamsapranon, Barangay Banahao sa Lianga, Surigao del Sur. Si Bucales ang utok sa pagpatay kang Emerito Samarca, direktor sa eskwelahang ALCADEV, ug sa duha ka lider Lumad nga silang Datu Bello Sinzo ug Dionel Campos niadtong Setyembre 1, 2015.

Human ang lima ka tuig, nakab-ot ra gyud ang hustisya nga gihikaw sa reaksyunaryong estado sa mga Lumad sa Lianga. Human ang masaker niadtong 2015, gihatagan sa Armed Forces of the Philippines si Bucales og pondo, negosyo ug pusisyon. Gitudlo siya isip pekeng representante sa mga Lumad ug lider sa konseho sa prubinsya. Ginapondohan ug ginapadagan ang Magahat-Bagani sa 3rd IB. Nalambigit ang grupo sa mga operasyong kombat ug pagpasurender sa Lianga niining milabayng mga bulan.

Patay usab sa pagpangambus ang kadre sa detatsment sa CAFGU, sa Barangay Pakwan, Lanuza niadtong Oktubre 3. Nasakmit gikan kaniya ang usa ka kalibre .45 pistola.