Walo ka armas ang nakuha sang Bagong Hukbong Bayan (BHB) sa gintigayon sini nga reyd batuk sa 29th IB sa Barangay Maraiging, Jabonga, Agusan del Norte sang Septyembre 28. Tig-duha ka R4 kag M16-A1, isa ka M14 kag tatlo ka kalibre .45 nga pistola ang nakuha sa reyd. Apat ka suldado ang napatay kag duha ka iban pa ang nararong.

Nagaserbi nga gwardya ang mga suldado sa konstruksyon sang kalsada sang pribadong kumpanya nga Z’Charles Construction. Ang kalsada nga ini ginapagwa nga “farm to market road” pero sa aktwal magaserbi nga alagyan sang mga trak kag kagamitan sang mga kumpanya nga mina nga plano mag-opereyt sa lugar.

Sa Rizal, gin-ambus sang BHB-Rizal sang Septyembre 30 ang mga suldado sang 80th IB nga nagaoperasyon sa Sityo Ilas, Barangay Puray, Rodriguez. Duha ka suldado ang napatay.