Presyo sang langis, lab-ot langit ang pagtimbuok

,

Sa nagtaliwan nga walo ka semana, walo ka beses nga gintaasan sang mga kumpanya sang langit ang presyo sang mga produktong petrolyo. Kon igabase sa pagsugod sang tuig, ₱19.70 kada litro ang nadugang sa presyo sang gasolina, kag ₱18 kada litro man ang nadugang sa diesel.

Pat-ud nga lab-ot langit ang pagtimbuok sang mga presyo sang pagkaon kag iban pang produkto pangkonsumo sa maabot nga mga bulan bangud diri.

Ginasiling nga ang mga pagtaas sang presyo dulot sang pagtaas sang presyo sang krudong langis pakadto $80 kada bariles sa internasyunal nga merkado. Nagtimbuok ang presyo sang krudong langis bangud sa pagbalibad sang Organization of Petroleum Exporting Countries, Russia kag mga alyado sini nga pataason ang produksyon sang krudong langis. Nagakatabo ini samtang nagadaku ang demanda para sa langis sa China kag Europe.

Sa Pilipinas, ginasekreto sang mga kumpanya sa langis ang pormula nga ginagamit sini sa pagtalana sang tagsa-tagsa nila ka mga presyo, amo man ang pagkwenta sa nagakaigo nga dugang nga presyo kada may hulag sa pangkalibutanon nga merkado. Bangud diri, ginaproponer sang bloke nga Makabayan nga idetalye sang mga kumpanya sang langis ang basehan sang ila pagpresyo kag ipubliko ang impormasyon.

Subong man, dapat ibasura ang ₱10 dugang nga buhis sa gasolina nga ginpapanaug sang Mayo sa tunga sang pandemya para makatipon kuno sang pondo pang-ayuda. Dapat man ibasura ang nauna pa nga ₱10 nga ginpapanaug nga excise tax sa gasolina, ₱6 sa diesel kag ₱3 sa kada litro sang LPG nga gindugang sa 12% nga value added tax.

Presyo sang langis, lab-ot langit ang pagtimbuok