Pagtaas sang presyo sang langis, ginkundenar. Naglunsar sang noise barrage ang grupong Gabriela sa Marikina Public Market sa Marikina; sa Baseco, Tondo; kag sa Tatalon kag Mega Q-Mart sa Quezon City sang Pebrero 18 agud kundenahon ang sige-sige nga pagtaas sang mga presyo sang langis halin Enero. Antes sini may paghulag sang Pebrero 14 ang mga drayber kag opereytor sa Commonwealth Avenue sa Quezon City.

Manug-utan, nagkaraban sa Benguet. Nagkaraban ang 250 manug-utan kag negosyante sang utanon sang Pebrero 14 sa mayor nga kalsada sang La Trinidad, Benguet agud pamatukan ang wala sang sablag nga importasyon kag pagpalusot sang utanon kag iban pang produkto pang-agrikultura halin sa China. Siling nila indi bastante ang limitado kag ningas-kugon nga mga aksyon sang rehimen para punggan ang ismagling sang utanon nga nagapatay sa ila nga pangabuhian.

Protesta sa Hacienda Murcia. Malinong nga nagmartsa ang mga residente kag mangunguma sang Purok Cojuangco sa Hacienda Murcia padulong sa munisipyo sang Concepcion, Tarlac sang Pebrero 4 agud pamatukan ang pamahog nga pagpalayas kag pagdumili sang 2019 halin sa pamilya Cojuangco kag Landfactors, Inc. sang pamilya Sy nga nag-agaw sa ila nga duta. Ginpasakaan sila sang kaso nga pagholdap kag pagpanggamo sang ginpamilit nila ang kinamatarung nila sa duta. Pila ka dekada sila nga nagatalauma sa lugar.

Motorcade ni Marcos Jr. sa Caloocan, gintublag. Natublag sang protesta ang motorcade sang Pebrero 19 sang timbanganay Marcos-Duterte sa Caloocan City sang hinali nga nagtuhaw sa ginaagyan sini ang mga tawo nga may dala nga mga daku nga bandera nga may nakasulat nga “Indi pagbotohon ang makawat kag butigon!” Uyat nila ang mga plakard nga nakasulat ang “Never Again!” samtang nagaagi ang salakyan sakay si Marcos Jr. mismo.