Mabaskog nga ginakundenar sang Leonardo Panaligan Command-New People’s Army sa Central Negros ang iligal nga pagpangransak sang mga kabalayan sang inosenteng mangunguma kag padayon nga pag-intimidar sang mga katapo sang 62nd IB sa mga sibilyan sadtong Nobyembre 13, 2023 sa mga Barangay sang Santol kag Amuntay, Binalbagan, Negros Occidental.

Nobyembre 13, 2023-pilit nga ginsaka sang isa ka platun nga pwersa sang 62nd IB ang puluy-an ni Maximo Cañete sang sityo Tangkuban, Barangay Amuntay kag ginpang-ukay ang ila mga kagamitan. Ginpasibangdan sila nga supporter kag tagtago sang NPA. Ginpahug sila nga pamatyon kon indi manugid sa presensya sang NPA sa ila lugar. Ginpangkuha sang pasistang militar ang ila mga personal nga kagamitan sa komunikasyon kaangay sang smartphone kag handheld radio (baofeng).

Sini man nga adlaw Nobyembre 13-pilit man nga ginsulod ang balay ni Melvin Vilando sang sityo Omot, Barangay Santol, Binalbagan, Negros Occidental. Pilit man sila nga ginapaako sang mga tropa sang 62nd IB nga nagasuporta sila sa New People’s Army.

Nagtuga in sang grabe nga kakugmat kag trauma sa bilog pamilya ilabe na sa mga gagmay pa nga kabataan.

Ginakundenar man sang LPC-NPA ang pilit nga pagpagiya sang 62nd IB kay Cardo Garde nga isa ka sibilyan sa mga operasyon militar sa lugar.

Ibuyagyag kag hublasan ang pasismo sa kaumahan!
Pamatukan ang militarisasyon!
Palayason ang berdugong 62nd IB sa kaumahan!
Maghimakas indi mahadlok!