Wala ug tuo ang pagkundena sa mga indibidwal, organisasyon ug bisan ang mga ahensya sa estado sa pagpatay sa siyam ka aktibista ug pag-aresto sa unum pa niadtong Marso 7 sa gitawag og “Bloody Sunday” (maduguong dominggo) sa upat ka prubinsya sa Southern Tagalog.

Gawas sa lima ka biktima nga unang nataho sa Ang Bayan niadtong Marso 7, ang upat ka gipatay sa gitawag og COPLAN ASVAL mao ang magnagsoon nga silang Puroy ug Randy dela Cruz sa Sityo Mina, Barangay Sta. Inez, Tanay, Rizal. Mga myembro sila sa grupong Dumagat Sierra Madre. Ingonman, gipusil hangtud nga mapatay silang Abner ug Edward Mendoza, mga myembro sa San Isidro Kasiglahan, Kapatiran at Damayan para sa Kabuhayan, Katarungan at Kapayapaan sa Sityo Macaingalan, Barangay Puray, Rodriguez, Rizal.

Gitawag kining “masaker” sa usa ka “mamamatay-tao nga rehimen” ni Vice Pres. Leni Robredo. Nagpadayag usab sa grabe nga kabalaka ang United Nations, mga internasyunal nga organisasyon sa tawhanong katungod, akademiko, simbahan ug bisan ang Commission on Human Rights.

Gihulga ug gisulayan pang arestuhon sa mga pulis ang mga paryente sa mga biktima sa usa ka punerarya sa Antipolo City niadtong Marso 10 aron kuhaon ang mga patayng lawas sa ilang mga paryente. Nabawi lamang nila ang mga patayng lawas sa pagduso sa ilang mga tigsuporta.

Nakagawas na niadtong Marso 15 si Elizabeth Camoral, tigpamaba sa Bayan-Laguna, samtang nagpabiling nakadetine ang 5 pa ka aktibista.