Ginatos ka aktibista kag mangunguma nga sakay sa 20 salakyan ang nagkaraban pakadto sa Arayat, Pampanga para ilubong ang abo ni Joseph Canlas sang Mayo 14. Napatay si Canlas, bise-presidente sang Kilusang Magbubukid ng Pilipinas, kaagahon sang Mayo 11 dulot sang mga kumplikasyon nga dala sang Covid-19. Gin-aresto siya sang Marso 30 kag duha ka bulan nga gindetenir sa gutok nga kulungan sa Angeles City kag City of San Fernando kon sa diin nalatnan siya sang bayrus. May edad na si Canlas kag may sakit nga diabetes.