3 ka armadong aksyon sa usa ka semana, gilunsad sa BHB
Tulo ka armadong aksyon ang gilunsad sa mga yunit sa Bagong Hukbong Bayan (BHB) sa Camarines Sur, Negros Occidental ug Agusan del Norte gikan Hunyo 9 hangtud Hunyo 15.
Naglunsad og operasyong isnayp ang BHB-South Central Negros niadtong Hunyo 9 batok sa 62nd IB sa Purok Dalaupan, Barangay Carabalan, Himamaylan City, Negros Occidental. Usa ka sundalo ang napatay ug usa ang nasamdan.
Operasyong isnayp usab ang gilunsad sa BHB-West Camarines Sur (Norben Gruta Command) batok sa 90th IB niadtong Hunyo 12 sa Barangay Salvacion, Pasacao, Camarines Sur. Napatay sa aksyong militar ang usa ka sarhento.
Tulo ka ahenteng paniktik sa PNP-Butuan, lakip ang usa ka sarhento, ang napatay sa reyd sa BHB-Agusan del Norte sa Purok 5 Tagulaje, Barangay Antongalon, Butuan City niadtong Hunyo 15.