Hugot nga gikundena sa Bagong Hukbong Bayan (BHB)-Masbate ang pagdagit ug pagmasaker sa 2nd IB ug pulis sa Masbate sa tulo ka mag-uuma aron makuha ang gitanyag ni PNP Chief Guillermo Eleazar sa mga ginsakpan niining “makagukod” sa mga yunit sa BHB nga nalambigit kuno sa insidente sa Hunyo 6.

Gidagit gikan sa lain-laing munisipalidad niadtong gabii sa Hunyo 7 silang Ailyn Ekit Bulalacao, 38, Ramon Boy Valenzuela Brioso, 58, ug Antonio Poligrates, 61, ug gidala sa Barangay Anas, Masbate City aron didto masakeron niadtong Hunyo 8. Ginapagawas sa mga sundalo nga adunay engkwentro sa lugar ug mga myembro sa BHB ang tulo. Ginaduso sa mga pamilya sa mga biktima nga pulos mga sibilyan ang tulo. Gani, barangay tanod si Poligrates sa Barangay Villahermosa, Cawayan.

Gidagit usab sa mga armadong pwersa sa estado ang mga batan-on nga silang Joseph Dalera ug Judy Serapin sa Barangay Guiom, Cawayan, Masbate niadtong Hunyo 19. Wala pa gipakita ang duha hangtud sa kasamtangan.