Lima ka mag-uuma ug usa ka pastor ang arbitraryong giaresto samtang usa ka detenidong pulitikal ang namatay sa prisohan niining milabayng duha ka semana.

Sa Sorsogon, tulo ka magkokopra ang gidagit sa 31st IB sa Donsol niadtong Hunyo 6. Ang mga biktima mao silang Etoy Magdamit Jr. ug Antonio Razo Jr., parehong residente sa Barangay San Francisco, ug si Salvador Moscoso, residente sa Barangay Cabugao. Gipakita sila ug gipreso sa kampo sa 31st IB.

Sa Zamboanga del Norte, giaresto sa gama-gamang mga kaso sa pagpatay ug pakyas nga pagpatay si Pastor Benjie Gomez, pastor sa United Church of Christ in the Philippines sa Mutia niadtong Hunyo 6. Niadtong 2014, gibasura na sa korte ang susamang mga kaso batok kaniya.

Sa Negros Occidental, iligal nga giaresto sa 62nd IB ug 94th IB ang mga mag-uuma nga silang Kenneth Nabong ug Jayson John Gazon sa Barangay Buenavista, Himamaylan City niadtong tungang gabii sa Hunyo 9. Gitortyur ug gitamnan og pusil ang duha.

Samtang namatay sa New Bilibid Prison niadtong Hunyo 13 ang bilanggong pulitikal nga si Jesus Alegre, 75, human nagluya tungod sa kalibanga, dayabetis ug sakit sa baga. Desisays ka tuig na siyang napreso sa gama-gamang kasong pagpatay nga gipasaka sa agalong yutaan nga miilog sa ilang lupa sa Sagay, Negros Occidental. Napreso usab ang 74-anyos niyang asawa nga si Moreta ug 47-anyos nga anak niyang si Selman sa parehong kaso. Niadtong Mayo, duha ka bilanggong pulitikal (Joseph Canlas ug Maximo Redota) ang magkasunod nga namatay tungod usab sa pagpasagad ug pagbalibad sa rehimen nga buhian ang mga masakiton ug tigulang na nga detenido.