Niadtong Hulyo 26, nagmartsa ang mga lumulupyo sa Romblon ug mga grupong maki-kinaiyahan aron magprotesta atubangan sa upisina sa Department of Environment and Natural Resources sa Quezon City.

Gipanawagan nilang ihunong na ang planong pagmina sa Sibuyan Island. Matud sa mga residente, apektado sa mina ang ilang panginabuhian nga nakadepende sa bahandi sa kadagatan, humayan, kopra, ug mga pananum nga gulay.

Niadtong 2011, napaundang ang operasyon sa Atlas Philippines Mining Corporation sa Sibuyan tungod sa pagguba niini sa kinaiyahan sa isla. Apan niining Setyembre 2021 subli kining gitugutan nga mag-opereyt human gipagawas ni Rodrigo Duterte ang Executive Order 130.