SANG HULYO 26, nagmartsa ang mga residente sang Romblon kag mga grupo nga maka-kapalibutan para magprotesta sa atubang sang upisina sang Department of Environment and Natural Resources sa Quezon City.

Panawagan nila nga untaton ang plano nga pagmina sa Sibuyan Island. Suno sa mga residente, apektado sang pagmina ang ila pangabuhian. Nakadepende sa manggad-dagat, duta sang palayan, kopra kag mga pananum nga utanon.

Sang 2011, napauntat ang operasyon sang Atlas Philippines Mining Corporation sa Sibuyan bangud sa gindulot sini nga pagpanamad sa kapalibutan sa isla. Pero sining Septyembre 2021 liwat ini nga ginpahanugutan mag-opereyt pagkatapos magpagwa si Rodrigo Duterte sang Executive Order 130.