Tulo ka ambus ang ginlunsar sang mga yunit sang Bagong Hukbong Bayan (BHB) sa tatlo ka prubinsya sang pungsod sa nagligad nga mga semana. Gin-igo sang BHB ang pinakabrutal kag pinakamasupog nga mga yunit sang Armed Forces of the Philippines (AFP) sa tagsa-tagsa nila ka erya.

Sa Surigao del Sur, tatlo ang napatay kag isa ang napilasan sa nagaoperasyon nga tropa sang Charlie Company sang 75th IB sang ambusan sila sang mga Pulang hangaway sa Barangay Mahaba, Marihatag sang Oktubre 6. Nagasakay ang mga suldado sa tatlo ka motorsiklo sang ambuson sila mga ala-7:35 sang aga. Ginpaulanan sila sang bala sang mga hangaway sa kalayuon nga pito ka metros.

Sa Masbate, gin-ambus sang isa ka yunit sang BHB ang mga CAFGU nga nagabyahe sa dulunan sang Barangay Mambog kag Buenaflor sa banwa sang Dimasalang sang Oktubre 7. Isa ang napatay kag isa ang napilasan sa mga suldado. Nagasakay sila sa motosiklo kag nagapauli pagkatapos ang 15-adlaw nga pagbantay sa detatsment sang 2nd IB sa Barangay Miabas, Palanas.

Sa Albay, ginlambatan sang BHB-Albay ang 16-katawo nga yunit sang 49th IB sa Barangay Bagacay, Jovellar sang Oktubre 3. Apat ang kumpirmadong napatay sa armadong aksyon. Sa masunod nga adlaw, isa pa ka bangkay ang nakit-an sa gintabuan sang insidente samtang duha ang grabe nga napilasan nga napatay sang ulihi.