100 adlaw sang rehimeng Marcos. Nagprotesta sa Mendiola, Maynila sa atubang sang Malacañang ang mga demokratikong grupo para kundenahon ang kapalpakan ni Ferdinand Marcos Jr sa una nga 100 adlaw sang iya rehimen sang Oktubre 8. Ginpakamalaut nila ang puro patuyang nga pagpangabuhi sang mga Marcos sa tunga sang lapnagon nga pag-antus sang mga Pilipino.

Protesta sa Regent Foods. Nagpiket sa atubang sang pabrika sang Regent Foods ang mga mamumugon sini sang Oktubre 17 para iprotesta ang pagbalibad sang kumpanya nga ibalik sa trabaho ang ginpahalin sini nga mga mamumugon sang 2019 kag ihatag sa ila ang ila nga back wages.

#HustisyasaSahod. Nakig-isa ang mga mamumugon sang Kilusang Mayo Uno sa Metro Manila kag Cebu sa Pangkalibutanon nga Adlaw sang Disente nga Pagtrabaho sang Oktubre 7. Gintawag nila nga Bungol kag Barat sa Mamumugon (BBM) si Marcos Jr nga wala sang ginahimo para solusyunan ang ila matarung nga mga reklamo sa dugang-sweldo.

#ZeroEvictions. Nagpiket sa National Housing Authority sang Oktubre 10 ang mga imol sa syudad sa idalom sang Alyansa Kontra Demolisyon kag Pinagkaisang Lakas ng Mamamayan para pakamalauton ang demolisyon sang ila mga komunidad. Pila sa mga nagtambong ang mga residente halin sa Payatas, Holy Spirit, Tatalon, Commonwealth, Bagong Silangan kag Don Mariano sa Quezon City.