100 ka Adlaw sa rehimeng Marcos. Nagprotesta sa Mendiola, Maynila atubangan sa Malacañang ang mga demokratikong grupo aron kundenahon ang kapalpak ni Ferdinand Marcos Jr sa unang 100 ka adlaw sa iyang rehimen niadtong Oktubre 8. Gikastigo nila ang kanunay nga pagpaharuhay sa mga Marcos taliwala sa malukpanong pag-antus sa mga Pilipino.

Protesta sa Regent Foods. Nagpiket atubangan sa pabrika sa Regent Foods ang mga mamumuo niini niadtong Oktubre 17 para iprotesta ang pagbalibad sa kumpanya nga ibalik sa trabaho ang gitangtang niining mga mamumuo niadtong 2019 ug ihatag kanila ang ilang back wages.

#HustisyasaSahod. Nakighiusa ang mga mamumuo sa Kilusang Mayo Uno sa Metro Manila ug Cebu sa Pangkalibutang Adlaw sa Disenteng Trabaho niadtong Oktubre 7. Gitawag nilang Bingi ug Barat sa Manggagawa (BBM) si Marcos Jr na walay gihimo aron tubagon ang ilang makatarunganong mga mulo sa dugang-suhulan.

#ZeroEvictions. Nagpiket sa National Housing Authority niadtong Oktubre 10 ang mga kabus sa kasyudaran ilalum sa Alyansa Kontra Demolisyon at Pinagkaisang Lakas ng Mamamayan aron babagan ang demolisyon sa ilang mga komunidad. Pipila sa mga misalmot ang mga lumulupyo gikan sa Payatas, Holy Spirit, Tatalon, Commonwealth, Bagong Silangan ug Don Mariano sa Quezon City.