Harris, alis! Ginsumalang sang protesta sang masobra 500 katawo ang pag-abot ni US VP Kamala Haris sa Pilipinas sang Nobyembre 20. Nagmartsa sila padulong sa Mendiola sa adlaw sang pagpakigpulong ni Harris kay Ferdinand Marcos Jr sa Malacañang.

KM, 58 tuig. Isa ka raling kilat ang ginlunsar sang masobra 100 pamatan-on sang Nobyembre 27 sa Recto Avenue sa Maynila bilang pagsaulog sa ika-58 anibersaryo sang KM sang Nobyembre 30. Naglunsar sila sang malip-ot nga programa kag nagbilin sang istrimer kon sa diin nakasulat ang “Mabuhay ang CPP-NPA-NDF! Pamatan-on, magkadto sa kaumhan! Magpatapo sa New People’s Army!”

Masapa, 44! Nagrali-kilat ang may pila ka pulo ka mamumugon sa ikaayong lawas sang Disyembre 6 sa Carriedo Avenue sa Maynila bilang pauna nga pagdumdom sa ika-44 anibersaryo sang Makabayang Samahang Pangkalusugan. Panawagan nila sa mga mamumugon sa ikaayong lawas nga magpatapo sa hangaway sang banwa.

Mga unyonista, hilwayon! Nagpiket sang Disyembre 6 sa Quezon City Hall of Justice kag Manila City Regional Trial Court, ang mga tagasuporta kag pamilya sang mga unyonista nga sanday Romina Astudillo, Mark Ryan Cruz, Jaymie Gregorio Jr., kag Joel Demate para ipanawagan ang gilayon nga paghilway sa ila. Kabahin sila sa Human Rights Day 7 nga gin-aresto sang Disyembre 10, 2020.