Anom ka aksyon militar sa nagligad nga duha ka semana ang ginlunsar sang Bagong Hukbong Bayan (BHB) batuk sa mga pasistang tropa militar. Ginlunsar ang mga aksyon nga ini sa tunga sang mga focus military operation sang AFP.

Sa Sipalay City, nakumpiska sang BHB-Southwest Negros ang duha ka kalibre .45 pistola, mga bala, tatlo ka magasin, duha ka selpon kag isa ka granada sa ambus sini sa duha ka ahenteng intel sang 47th IB sa Sityo Camboguiot, Barangay Camindangan sang Nobyembre 24. Napatay ang duha ka suldado nga pangunahon imbolbado sa hilikuton paniktik kag pagpamigos sa masa.

Suno kay Andrea Guerrero, tagpamaba sang BHB-Southwest Negros, magaserbi nga paandam ang armadong aksyon sa tanan nga espiya kag aset sang AFP kag PNP.

Ginpalukpan sang BHB-Central Negros ang PNP substation sa Sityo Parkingan, Barangay Trinidad, Guihulngan City sang Nobyembre 25. Isa ka pulis ang napilasan. Antes sini, ginpalukpan sang BHB ang duha ka magkatuhay nga yunit sang 62nd IB sa Sityo Tuko sa amo nga barangay sang Nobyembre 21. Duha ka suldado ang napatay kag isa ang napilasan.

Sa pareho nga syudad, ginpalukpan sang BHB ang Army Patrol Base sa Barangay Sandayao sang Nobyembre 23. Isa ka suldado sang 62nd IB ang napilasan.

Sa Bukidnon, ginpalukpan sang BHB ang nagaoperasyon nga tropa sang 8th IB sa Purok 8, St. Peter, Malaybalay City sang Nobyembre 16. Isa ka suldado ang napatay sa armadong aksyon.