Gipalayas sa mga residente sa Sityo Baclay, Barangay Bacolod, Milagros sa Masbate ang hedkwarters sa mga sundalo sa 2nd IB na nakabarog sa maong sityo human magreklamo batok dinhi.

Gipadangat nila ang ilang disgusto pinaagi sa panagtapok aron ipetisyon ang pagpalayas sa kampo militar. Matud nila, kini walay gihatag kanila kundili perwisyo sa panginabuhian ug kahadlok sa presensya sa mga sundalo, ilabina sa han-ay sa kabatan-onan.

Pugos nga gitukod sa batalyon ang kampo sa Barangay Panicijan sa Uson human nagdumili ang ubang barangay nga i-host ang maong kampo.