Gipaburan sa Korte Suprema ang petisyon para sa writ of amparo ug habeas data nilang Jonila Castro ug Jhed Tamano, mga aktibistang pangkinaiyahan nga gidagit sa mga ahenteng militar. Naangkon nila kini human ang padayon nga pagpanghingusog ug pagbutyag sa brutalidad sa militar ug NTF-Elcac dihang sila gidagit niadtong Setyembre 2, 2023. Sekretong gipriso ang duha sulod sa duha ka semana ug gipailalum sa tortyur ug pagbahad sa ilang kinabuhi.

Subay sa mando, dili pwedeng duulan ang duha ka aktibista ug ilang mga pamilya og mas ubos sa usa ka kilometro sa mga ahenteng militar ug personel sa NTF-Elcac. Pwede usab nilang kuhaon ug ipapapha ang mga personal nga datos nga gunit sa estado aron protektahan ang ilang seguridad ug katungod sa pribasiya.

Temporaryong proteksyon ang gihatag sa Korte Suprema, ug nakasalang pa sa Court of Appeals ang petisyon alang sa Permanent Protection Order ug Production Order.