Gindampigan sang Korte Suprema ang petisyon nila ni Jonila Castro kag Jhed Tamano, mga aktibista nga pangkinaiyahan nga gin-abdak sang mga ahente militar, para sa writ of amparo kag habeas data. Naangkon nila ini matapos ang padayon nga pagduso kag pagbuyagyag sa brutalidad sang militar kag NTF-Elcac sugod sang sila ang gindakop sadtong Setyembre 2, 2023. Likom nga ginbilanggo ang duha sa sulod sang duha ka semana kag ginpaidalom sa tortyur kag pagpamahog sa ila nga kabuhi.

Subay sa kasuguan, indi mahimo nga palapitan ang duha ka aktibista kag ila mga pamilya sang mas manubo sa isa ka kilometro sang mga ahente militar kag tinawo sang NTF-Elcac. Mahimo man nila nga kuhaon kag panason ang personal nga datus nga uyat sang estado para pangapinan ang ila seguridad kag kinamatarung sa pribasiya.

Temporaryo nga proteksyon ang ginhatag sang Korte Suprema, kag napresentar pa sa Court of Appeals ang petisyon para sa Permanent Protection Order kag Production Order.