GINATOS KA PUMULUYO, nagapanguna mga mangunguma kag mangingisda, halin sa Metro Manila, Southern Tagalog kag Central Luzon ang nagmartsa sadtong Hulyo 1 padulong sa Mendiola para kundenahon ang rehimen Marcos sa mga paantus kag kontra-pumuluyo nga patakaran sini sa nagligad nga duha ka tuig. Ginsukot nila ang rehimen sa nagalala nga krisis sa ekonomiya nga gina-antus sang pumuluyong Pilipino. Para sa mga mangunguma, nagapanguna nga ginapangatubang nila sa nagligad nga duha ka tuig ang paglala sang krisis sa bugas, mataas nga presyo sang pagkaon kag, labi pa nga nagalubha nga kahimtangan sang sektor sang agrikultura.

May kasubong man nga mga kahublagan kag protesta sa kaumahan ang mga mangunguma kag grupo sa Ilocos, Southern Tagalog, Bicol, Central Visayas, Panay kag Negros.