GINLUNSAR SANG NAGKALAIN-LAIN nga mga organisasyon sa bilog nga kalibutan sadtong Hulyo 1 ang tagsa nila ka hublag batuk sa Operation Kagaar sa India. Sa idalom sang operasyon nga ini, nga panugod nga ginpatuman sadtong Enero, indi magnubo sa 130 ka sibilyan kag mga rebolusyonaryo na ang ginpatay sang estado sa India.

Ang Operation Kagaar ang isa ka operasyon militar nga kabahin sang mas masangkad pa nga operasyon kontra-insurhensya nga Operation SAMADHAN-Prahar sa India nga ginsugdan sadtong 2017. Hayagan sini nga ginatarget ang mga Adivasi (mga tumandok) sang India nga nagahimakas para sa ila kinamatarung sa duta, kalasangan, tubig kag kabuhi sa tabon sang pagbato sa mga Maoista.

Nagpahayag sang pakig-isa sa adlaw sang hublag ang International League of Peoples Struggles Commission 10 kag International Indigenous Peoples Movement for Self Determination & Liberation. May yara man sang hublag ang mga grupo halin India, China, Russia, Turkey kag mga pungsod sa Europe. Nagpahayag man sang pagpamatok sa Operation Kagaar ang mga demokratiko nga organisasyon sang Pilipinas sa protesta sadtong Hulyo 1.

Nagdeklarar naman ang Komite Sentral sang Partido Komunista ng Pilipinas sang Bulan sang Pakig-isa (Hunyo 20-Hulyo 20) sa paghimakas sang pumuluyo nga Indian, ilabi na sang masang Adivasi batuk sa Operation Kagaar.