GINASUT NGA UMILI, kangrunaan dagiti mannalon ken mangngalap, manipud iti Metro Manila, Southern Tagalog ken Central Luzon ti nagmartsa idi Hulyo 1 agturong iti Mendiola tapno kundenaren ti rehimen Marcos kadagiti parigat ken kontra-umili a patakaran daytoy iti napalabas a dua a tawen. Siningir da ti rehimen iti kumarkaro a krisis iti ekonomya a sagsagabaen ti umili a Pilipino. Para kadagiti mannalon, kangrunaan a sinango da iti napalabas a dua a tawen ti panag-irteng ti krisis iti bagas, nangato a presyo ti taraon ken kumarkaro a kasasaad ti sektor ti agrikultura.

Naisayangkat ti kapada a tignay ken protesta ti mannalon ken grupo iti Ilocos, Southern Tagalog, Bicol, Central Visayas, Panay ken Negros.