Kangangatoan a panangkondenar ti ipadpadanon ti Partido Komunista iti Pilipinas iti Armed Forces of the Philippines (AFP), partikular iti 5th Infantry Division ken dagiti mawaw-iti-dara a manangpapatay-tao a pasista a 502[nd] Brigade, gapu kadagiti krimen iti gubat a panangpatay da iti tallo nga hors de combat a Nalabaga a mannakigubat iti New People’s Army.

Konkondenaren ti Partido iti AFP iti ekstrahudisyal a pammapatay kada Ariel Arbitrario (Ka Karl), Danielle Marie Pelagio (Ka Seed) ken Erin Sagsagat (Ka Jorly) idi Setyembre 11 idiay Barangay Baliuag, ili iti Peñabalanca, probinsya iti Cagayan.

Segun kadagiti report iti larangan, ti tallo ket paset iti maysa a tim iti innem a Nalabaga a mannakigubat a nadutukan a mangisayangkat iti konsultasyon ken panagpapatang kadagiti lokal a masa a mannalon. Nangaramid da iti temporaryo a kampo iti ruar ti komunidad. Saan a pudno dagiti salaysay ti AFP a 17- wenno 20-katao a platun nga NPA ti nakarinnupak da. Ti plastar iti tim ti NPA ket planado a kinubkob iti AFP apagbettak iti lawag. Dagdagus a naparmek iti tim ti NPA.

Ni Arbitrario, a naggapu iti rehiyon iti Davao, ket nagbalin kas maysa a konsultant pangkappia iti National Democratic Front of the Philippines (NDFP) idi panawen iti negosasyon a pangkappia idi 2016-2017. Adda iggem na a dokumento iti impormasyon babaen iti Joint Agreement on Safety and Immunity Guarantees (JASIG).

Kadagiti salaysay da, ibagbaga iti AFP a nasarakan da laeng iti bangkay ni Arbitrario dua aldaw kalpasan iti engkwentro. Adda basaran mi a mamati a ti pudno, iggem isunan dagiti militar ken intantan iti saan a bumaba iti maysa aldaw, inpauneg iti nakaro a panangparigat sakbay da a pinatay. Iti laksid iti panangiwaragawag iti pammapatay kenni Arbitrario, saan pay nga inruar ti AFP iti bangkay na.

Ti Partido ken ti sibubukel a rebolusyonaryo a tignayan ket mangidandanon iti nauneg a pannakipagladingit kadagiti pamilya da Ka Karl, Ka Seed, ken Ka Jorly. Makipagkaykaysa kami kadakayo iti panagladingit iti ipupusay da, a nadagsen unay kadagiti puso tayo ken puso iti nalawa a masa iti umili a mannalon ken minorya nga Agay iti Cagayan Valley nga ipatpateg da la unay ken intero iti panagbiag a nagserbian da.

Padpadayawan iti Partido da Ka Karl, Ka Seed ken Ka Jorly kas bannuar iti umili a Pilipino. Ti lagip kadagiti panangipangruna da para iti umili ken iti rebolusyon ken agnanayon nga agbiag.

Kagiddan iti daytoy, iyebkas mi ti napalalo a gura mi iti AFP, ken naipamaysa nga ipukpukkaw iti hustisya para kada Ka Karl, Ka Seed ken Ka Jorly. Al-alukoyen mi dagiti pamilya, organisasyon iti karbengan-tao ken mangitantandudo iti kappia a tumulong iti panagbiruk iti hustisya para iti ipapatay da. Karkariten mi ida nga agirussuat iti imbestigasyon iti nasao nga armado nga insidente idi Setyembre 11. Mabalin da a dumawat iti post-mortem autopsy kadagiti bangkay da tapno maammoan ti detalye na.