Ginpalukpan sang Bagong Hukbong Bayan (BHB)-Central Negros (Leonardo Panaligan Command) ang detatsment sang CAFGU Active Auxillary (CAA) sa Barangay Guba, Vallehermoso, Negros Oriental sang Septyembre 8. Isa ka suldado sang 62nd IB ang napatay. Suno sa mga residente, ginapilit sila sang mga suldado nga “magsurender” kag magpalista bilang mga CAFGU.

Isa ka backhoe ang ginparalisa sang BHB-South Central Negros sa Sityo Bulod, Barangay Carabalan, Himamaylan City, Negros Occidental sang Septyembre 11. Ginapanag-iyahan ang backhoe sang mapangwasak nga kumpanya nga ESJ and Sons Construction Co. Suno sa BHB, ang proyekto magahatag-dalan sa mga kumpanya sang mina nga magaguba sa 1,100 ektarya nga duta sang mga tumandok nga Itoman-Maghat-Bukidnon.