Giparangalan sa Partido Komunista ng Pilipinas ang gipatay nga tigpamaba sa Bagong Hukbong Bayan (BHB)-Negros nga si Ka Juanito Magbanua (Romeo Nanta). Gihalad ni Ka Juanito ang 25 ka tuig sa iyang kinabuhi sa tinguha sa katawhang Pilipino alang sa nasudnon ug katilingbanong pagpapalaya.

Ang pagpatay sa militar kang Ka Juanito samtang anaa sa kustodiya lapas sa internasyunal nga makitawhanong balaod. Nadakpan siya niadtong Oktubre 10 sa hapon sa Sityo Medel, Barangay Carabalan, Himamaylan City ug posibleng gitortyur. Anaa sa komunidad si Ka Juanito tungod sa gihambin nga mga balatian. Walay kamatuoran ang ginasulti sa militar nga adunay nahitabong engkwentro.

Isip tigpamaba sa BHB sa Negros, ug usa sa nag-unang mga kadre sa Partido sa isla, walay kakapoy niyang giasdang ang interes sa mga mamumuo sa katubhan ug masang mag-uuma sa mga hasyenda sa isla. Epektibo niyang girepresentahan ang BHB ug Partido sa daghan niyang interbyu sa midya.