Nagpahigayon ang Bayan, Kilusang Magbubukid ng Pilipinas ug Pamalakaya sa Aklan og 2-ka-adlaw nga humanitarian mission sa komunidad sa mga mangingisda sa Barangay Cawayan, New Washington, Aklan niadtong Oktubre 12-13. Tumong niini nga sutaon ang kahimtang sa mga lumulupyo taliwala sa padayon nga pagpanghadlok, pagpamig-ot ug militarisasyon sa lugar.

Tulo ka bulan na ang operasyong militar sa mga sundalo sa barangay sa takuban sa ginalunsad niining Civil Military Operations Competency Enhancement Training (CMO-CET) sa 301st IBde. Giokupa sa mga sundalo ang mga barangay hall ug nagbalay-balay, nanginteroga nga walay ligal nga basihan, ug pugos nga nagpasurender sa mga myembro sa ligal nga organisasyong masa isip mga myembro o tigsuporta sa rebolusyonaryong armadong kalihukan.