Ginpasidunggan sang Partido Komunista ng Pilipinas ang ginpatay nga tagapamaba sang Bagong Hukbong Bayan (BHB)-Negros nga si Ka Juanito Magbanua (Romeo Nanta). Ginhalad ni Ka Juanito ang 25 tuig sang iya nga kabuhi sa handom sang pumuluyong Pilipino para sa pungsodnon kag pangkatilingban nga kahilwayan.

Ang pagpatay sang militar kay Ka Juanito samtang ara sa kustodiya paglapas sa internasyunal nga tawhanon nga layi. Gindakop siya sang Oktubre 10 sang hapon sa Sityo Medel, Barangay Carabalan, Himamaylan City kag posible nga gintortyur. Ara sa komunidad si Ka Juanito bangud sa ginabatyag nga mga sakit. Wala sang kamatuoran ang ginahambal sang militar nga may engkwentro.

Bilang tagapamaba sang BHB Negros, kag isa sa nagapanguna nga mga kadre sang Partido sa isla, wala sang kakapoy niya nga ginpangapinan ang interes sang mga mamumugon sa tubuhan kag masang mangunguma sa mga asyenda sang isla. Epektibo niya nga ginrepresentar ang BHB kag Partido sa madamo niya nga mga interbyu sa midya.