Militarisado nga komunidad sa Aklan, gintabangan
![](https://philippinerevolution.nu/wp-content/themes/prwc/images/ablogo.png)
![]( https://philippinerevolution.nu/wp-content/uploads/2022/10/bayan-aklan-humanitarian-mission-new-washington-1024x767.jpg )
Naghimo ang Bayan, Kilusang Magbubukid ng Pilipinas kag Pamalakaya sa Aklan sang 2-adlaw nga tawhanon nga misyon sa komunidad sang mga mangingisda sa Barangay Cawayan, New Washington, Aklan sang Oktubre 12-13. Katuyuan sini nga hibal-on ang kahimtangan sang mga residente sa tunga sang padayon nga pagpamahog, pagpang-ipit kag militarisasyon sa lugar.
Tatlo ka bulan na ang operasyon militar sang mga suldado sa barangay sa tabon sang ginalunsar sini nga Civil Military Operations Competency Enhancement Training (CMO-CET) sang 301st IBde. Gin-okupar sang mga suldado ang mga barangay hall kag nagpamalay-balay, nagainteroga sang wala sang ligal nga basehan, kag pilit nga nagapasurender sa mga myembro sang ligal nga asosasyon sang masa bilang mga katapo o tagasuporta sang rebolusyonaryo nga armadong hublag.