Global Climate Strike. Ginlunsar sang Nobyembre 12 ang mga protesta sa nagkalainlain nga bahin sang kalibutan kadungan sang COP27 (27th Conference of the Parties). Sa Pilipinas, nagtipon ang mga demokratikong grupo sa Bantayog ng mga Bayani sa idalom sang panawagan nga Climate Justice Now kag End Climate Imperialism.

Suhol Pataason, Presyo Panubuon. Petisyon kag serye sang mga paghulag sang mga unyon kag grupo nga mamumugon para iduso ang estado nga pataason ang suhol kag panubuon ang presyo sang mga balaklon. Gin-umpisahan ang petition signing sa Cubao, Quezon City sang Nobyembre 11. Sang Nobyembre 16, nagkadto sila sa Kongreso para ipanawagan ang paghimo nga layi sang Anti-Union Interference Bill.

Dugang-badyet sa mga ospital. Nagpiket sa atubang sang Senado ang mga myembro sang Alliance of Health Workers sang Nobyembre 17 para iduso ang dugang-badyet para sa mga pangpubliko nga ospital, pataason-sweldo kag dugang nga mga mamumugon nga regular.

Unity walk batuk sa ROTC. Naglunsar sang isa ka “unity walk” ang ginatos nga estudyante halin sa nagkalainlain nga unibersidad sa Metro Manila sang Nobyembre 18, Internasyunal nga Adlaw sang Mga Estudyante. Ginpamatukan nila ang pagbalik sa Mandatory ROTC sa mga eskwelahan nga ginaduso ni Bise Presidente Sara Duterte.