Unum ka aksyong militar sa miaging duha ka semana ang gilunsad sa Bagong Hukbong Bayan (BHB) batok sa mga pasistang tropang militar. Gilunsad ang maong mga aksyon taliwala sa mga focus military operation sa AFP.

Sa Sipalay City, nasakmit sa BHB-Southwest Negros ang duha ka kalibre .45 pistola, mga bala, tulo ka magasin, duha ka selpon ug usa ka granada sa ambus niini sa duha ka ahenteng paniktik sa 47th IB sa Sityo Camboguiot, Barangay Camindangan niadtong Nobyembre 24. Napatay ang duha ka sundalo nga nalambigit sa gimbuhatong paniktik ug pagpanumpo sa masa.

Matud kang Andrea Guerrero, tigpamaba sa BHB-Southwest Negros, magsilbing pahimangno ang armadong aksyon sa tanang espiya ug aset sa AFP ug PNP.

Gipabuthan sa BHB-Central Negros ang PNP substation sa Sityo Parkingan, Barangay Trinidad, Guihulngan City niadtong Nobyembre 25. Usa ka pulis ang nasamdan. Ayha niini, gipabuthan sa BHB ang duha ka makabulag nga yunit sa 62nd IB sa Sityo Tuko sa maong barangay niadtong Nobyembre 21. Duha ka sundalo ang napatay ug usa ang nasamdan.

Sa parehong syudad, gipabuthan sa BHB ang Army Patrol Base sa Barangay Sandayao niadtong Nobyembre 23. Usa ka sundalo sa 62nd IB ang nasamdan.

Sa Bukidnon, gipabuthan sa BHB ang nag-operasyong tropa sa 8th IB sa Purok 8, St. Peter, Malaybalay City niadtong Nobyembre 16. Usa ka sundalo ang napatay sa armadong aksyon.