Nobyembre 30: Adlaw ni Bonifacio ug sa masang naghago

,
Kini nga artikulo adunay hubad sa PilipinoEnglishHiligaynon

Nagmartsa gikan sa Liwasang Bonifacio padulong sa tiilan sa Mendiola Bridge sa Maynila ang mga mamumuo, kabus sa kasyudaran ug uban pang mga sektor isip pagdumdum sa ika-159 nga Adlaw ni Andres Bonifacio nga gideklara usab nilang Adlaw sa Masang Anakpawis. Lakip sa nagmartsa ang Kilusang Mayo Uno ug All Workers Unity, Bayan ug mga organisasyon ilalum niini, ug ang Nagkaisa ug Paggawa ilalum sa United Labor. Gibanabanang mokabat sa 6,000 katawo ang misalmot sa protesta.

Panawagan nila ang pagpataas sa suhulan, ug pagpaubus sa presyo sa mga palaliton. Sa karon, gibutang nila sa ₱1,100 kada adlaw ang makabuhi nga suhulan sa pribadong sektor ug ₱33,000 kada bulan alang sa mga empleyado sa gubyerno.

Sa Baguio City, nagmartsa ang lain-laing sektor gikan Sunshine Park padulong sa Igorot Park. Nagprotesta usab ang lain-laing grupong demokratiko, kauban ang kabatan-onan, sa Crossing, Calamba sa Laguna.

Wala nagpaapekto sa kusog nga ulan ang mga raliyista nga nagtapok sa Freedom Park sa Davao City. Nagpahigayon usab og rali sa Carbon Free Market Freedom Park sa Cebu City, Iloilo City ug sa Fountain of Justice sa Bacolod City.

Nagpahigayon og noise barrage atubangan sa Department of Health ang Alliance of Health Workers niadtong Nobyembre 24. Panawagan nila, patas-an ngadto sa ₱33,000 ang “entry-level” nga sweldo sa mga mamumuong panglawas sa pribado ug pangpublikong sektor. Adunay usay susamang protesta sa mga ospital sa Baguio City, Bacolod City ug sa Manapla, Negros Occidental.

Niadtong Nobyembre 22, nagtapok sa Quezon City ang unum ka dagkung pederasyon ug organisasyon sa mga empleyado sa gubyerno aron ipanawagan ang pagpataas sa minimum nga sweldo sa mga empleyado ngadto sa ₱33,000.

Samtang, napaduso sa unyon sa mga mamumuo sa Technol Eight Philippines niadtong Nobyembre 24 ang dugang-suhulan sa pakignegosasyon nila sa kumpanya. Lakip sa napadaug nilang CBA ang ₱50 nga dugang-suhulan kada adlaw sulod sa 2 ka tuig, bonus nga ₱30,000, libreng bugas ug union leave.

 

Nobyembre 30: Adlaw ni Bonifacio ug sa masang naghago