Aksyong punitibo sa Negros
Dalawang trak ng malaking kumprador at panginoong maylupa na si Teotimo Ballesteros ang sinunog ng mga operatiba ng Bagong Hukbong Bayan-Northern Negros sa Sityo Proper, Barangay Tabun-ac, Toboso, Negros Occidental noong Disyembre 14, bandang alas-9:30 ng umaga.
Si Ballesteros ay isang notoryus na kontra-rebolusyonaryo at landgrabber. Sa kanyang kalupitan, gwardyado ng mga bandidong grupo at militar ang kanyang mga tubuhan. Pinondohan niya ang mga ito para mapanatili ang kanyang kontrol sa lupang kanyang inagaw mula sa mga magsasaka. Kilala siya na barat magpasahod at malupit sa kanyang mga sakada kung kaya’t lubos na ikinagalak ng mga tapasero at manggagawa sa tubuhan ang pagparusa sa kanya.