Pugos nga gisulod, giutingkay ug giransak sa 60 ka tropa sa 64th IB ang pito ka balay sa managlahing pamilya sa Sityo Dangalon, Barangay Hilamunan, Kabankalan City sa Negros Occidental niadtong Disyembre 26, 2022 sa buntag. Walay gipakitang unsamang mandamyento ang mga militar sa pagpangutingkay.

Gisulod sa mga berdugo ang balay sa pamilya nila Albert Ramos, Leticia Sablaon, Eida Tingal, Benjie Teruel, Ramon ug Analisa Tingal, Edgardo ug Jonjelyn Tingal, Eddie ug Vivian Teruel, Jimbert ug Helen de Leon, ug Kompol de Leon.

Pag-aresto. Iligal nga giaresto sa mga pulis si Melanie Sumayang, organisador sa Kadamay-Rizal, niadtong Disyembre 23, 2022 sa Barangay Mayamot, Antipolo, Rizal. Gipasakahan siya og duha ka ginama-gamang kasong sulayng pagpatay. Kasamtangan siyang gipriso sa Antipolo City Jail ug nanginahanglan og pyansang ₱64,000 aron temporaryong makagawas. Nagpasumangil nga empleyado sa Meralco ang mga pulis nga nag-aresto kang Sumayang. Mibarog isip lider sa kabus si Sumayang ug gipangulohan ang pakigbisog kontra demolisyon niadtong 2010 sa Peña Francia sa Barangay Mayamot.

Sa kalambigit nga balita, temporaryong nakagawas ang lider-aktibista nga si Marites Pielago, human ang kapin lima ka bulang pagkapriso, niadtong Disyembre 27, 2022 human magpyansa. Si Pielago ang nagtukod sa Bicolana Gabriela ug upisyal sa Bagong Alyansang Makabayan sa Bicol, giaresto sa gama-gamang kasong pagpatay ug pakyas nga pagpatay niadtong Hulyo 28, 2022.

Samtang, nakadawat og hulga sa kinabuhi ang dramatista ug biktima sa balaod militar sa diktaduryang US-Marcos I nga si Bonifacio Ilagan niadtong Enero 2 gikan sa gidudahang mga ahente sa estado.