Naggigiddan nga armado nga aksyon ti inrussuat ti New People’s Army (NPA)-Northern Negros laban iti mersenaryo a Sarona Group idi Enero 2 idiay ili ti Purok Kawayan, Barangay Bug-ang, Toboso, Negros Occidental.

Inambus ken napapatay ti NPA ti lider ti grupo a ni Juvie Sarona. Pinaralisa ken pinuoran met ti traktora a tagikua ti ama na. Nakumpiskar met iti balay dagiti Sarona ti maysa nga M2 Carbine, maysa a .45 Colt, maysa a .357 revolver, maysa a shotgun, aglalaok a magasin ken bala. Kinumpiskar met ti gadyet da nga adda linaon a napapateg nga impormasyon.

Imbwelto ti grupo iti panangmasaker kadagiti siyam a mangmangged iti kaunasan idi Oktubre 20, 2018. Napasamak ti inawagan a “Sagay masaker” idiay Barangay Bulanon, Sagay City. Mabaybayadan met daytoy ken suportado ti militar ken dadakkel a kumprador-apo’t daga ken asendero idiay isla.

Rinambakan ti umili ti Northern Negros ti panangdusa kadagiti Sarona gapu ta naikkan hustisya ti pannaka-idadanes ken pannakagundaway a nasagrap da iti ima dagitoy.

Kabayatanna, inambus ti NPA-Central Negros ti elemento ti CAFGU a ni Sunnyboy Teves idiay Sityo Tulingon, Barangay Binubohan, Guihulngan City, Negros Oriental idi Disyembre 27, 2023. Imbwelto ni Teves iti adu a krimen iti umili ti Central Negros.

Pinagyamanan ti NPA ti masa a timmulong iti armado nga aksyon ken agtultuloy a panagsuporta iti hukbo ti umili.