Dungan nga armadong aksyon ang ginlunsar sang Bagong Hukbong Bayan (BHB)-Northern Negros batuk sa mersenaryo nga Sarona Group sadtong Enero 2 sa banwa sang Purok Kawayan, Barangay Bug-ang, Toboso, Negros Occidental.

Gin-ambus kag napatay sang BHB ang lider sang grupo nga si Juvie Sarona. Ginparalisa kag ginsunog man ang traktura nga ginapanag-iyahan sang iya nga amay. Nakumpiskar man sa balay sang mga Sarona ang isa ka M2 Carbine, isa ka .45 Colt, isa ka .357 revolver, isa ka shotgun, sari-sari nga mga magasin kag bala. Ginkumpiskar man ang ila gadyet nga may unod nga importante nga impormasyon.

May kahilabtanan ang grupo sa pagmasaker sa siyam ka mga mamumugon sa kampo sadtong Oktobre 20, 2018. nahitabo ang gintawag nga “Sagay masaker” sa Barangay Bulanon, Sagay City. Binayran man ini kag suportado sang militar kag dalagko kumprador-agalon mayduta kag asendero sa isla.

Ginsaulog sang pumuluyo sang Northern Negros ang pagsilot sa mga Sarona tungod nga nahatagan sang hustisya ang pagpamigos kag pagpanghimulos nga ila naagum sa kamot sang mga ini.

Samtang, gin-ambus sang BHB-Central Negros ang elemento sang CAFGU nga si Sunnyboy Teves sa Sityo Tulingon, Barangay Binubohan, Guihulngan City, Negros Oriental sadtong Disyembre 27, 2023. May kahilabtanan si Teves sa madamo nga krimen sa pumuluyo sang Central Negros.

Ginpasalamatan sang BHB ang masa nga nagbulig sa armado nga aksyon kag padayon nga pagsuporta sini sa hangaway sang banwa.