Hugot nga ginkundenar sang Partido Komunista ng Pilipinas (PKP) ang “disproportionate use of force” ukon sobra-sobra nga paggamit sang persa sang militar batuk sa mga yunit sang Bagong Hukbong Bayan sa Bukidnon sadtong ulihi nga semana sang Disyembre. Lapas ini sa internasyunal nga makitawhanon nga laye nga naga-ubay sa kondukta sang moderno nga pakig-away.

Naghulog sang apat ka bomba ang tactical Air Wing sang 4th ID sa isa ka temporary nga kampo sang Barangay Can-ayan, Malaybalay City sadtong Disyembre 25, 2023. Duha ka adlaw pagkatapos sini, liwat ini nga namomba sa Sityo Bagong Lipunan, Barangay Linabo sa banwa sang Quezon. Sobra-sobra kag patarasak ang paghulog sang bomba sang pila ka 250-libras nga bomba, nga nagsabwag sang terror a pumuluyo sang Bukidnon.

Napatay sa pagpamomba sa Malaybalay City ang 10 ka indibidwal nga yara sa kampo sadtong sang BHB. Sa report, naglapta ang lawas sang mga na-igo tungod sa sobra nga kabaskog sang mga bomba nga gingamit sang AFP. Nag-gamit man ang AFP sang mga kanyon nga ATMOS 2000 nga ginbakal pa sang AFP sa Israel.

Ang paggamit sang baskog nga bomba ang “duna nga indiscriminate” ukon wala sang may ginapili, nagabutang sa peligro sa kabuhi kag paangabuhian sang mga sibilyan kag nagatuga sang sangkad nga pagkawasak sang palibot. Sa kamatuoran, lapaw sa ground zero ang epekto sang pagpamomba sang AFP halin sa kahawaan. ginwasak sini ang kalinong, nagtuga sang lapnagon nga kahadlok, panic kag troma sa mga residente sa kasikbit nga mga komunidad kag ginwasak ang kalasangan nga ginakuhaan nila sang pagkaon kag palangabuhian.

Ginlunsar sang AFP ang pagpang-atake sa tunga sang tradisyunal nga kahiwatan sang paskwa kag duha ka adlaw nga unilateral nga untat-lupok sang PKP nga nagsakop halin Disyembre 25, 2023 tubtob Disyembre 26, 2023 sang gab-e.