Kusganong gikundena sa Partido Komunista ng Pilipinas (PKP) ang “disproportionate use of force” o sobra-sobrang paggamit og pwersa sa militar batok sa mga yunit sa Bagong Hukbong Bayan sa Bukidnon niadtong ulahing semana sa Disyembre. Lapas kini sa internasyunal nga makitawhanong balaod, nga nagagiya sa kondukta sa modernong pakiggubat.

Naghulog og upat ka bomba ang Tactical Air Wing sa 4th ID sa usa ka temporaryong kampo sa Barangay Can-ayan, Malaybalay City niadtong Disyembre 25, 2023. Duha ka adlaw human niini, subli kining namomba sa Sityo Bagong Lipunan, Barangay Linabo sa lungsod sa Quezon. Mapatuyangon ug paturagas ang paghulog sa pipila ka 250-libras nga bomba, nga nagsabwag og kalisang sa katawhan sa Bukidnon.

Napatay sa pagpamomba sa Malaybalay City ang 10 ka indibidwal nga anaa sa kampo sa BHB niadtong tungura. Sa taho, nagkatag ang lawas sa mga naigo tungod sa kakusog sa mga bombang gigamit sa AFP. Migamit usab ang AFP og mga kanyong ATMOS 2000 nga gipalit pa sa Israel.

Ang paggamit sa kusog nga bomba “natural nga indiscriminate” o walay pili, nagbutang sa kinabuhi ug panginabuhian sa mga sibilyan sa peligro ug nagbunga og lapad nga pagkaguba sa palibot. Sa pagkatinuud, labaw pa sa ground zero ang epekto sa pagpamomba saa AFP gikan sa ere. Gigun-ub niini ang kalinaw, nagbunga og malukpanong kahadlok, panic ug troma sa mga residente sa duul nga mga komunidad ug giguba ang lasang nga tinubdan nila sa pagkaon ug panginabuhian.

Gihimo sa AFP ang pag-atake taliwala sa tradisyunal na pagsaulog sa Pasko ug sa duha ka adlaw nga unilateral nga hunong-buto sa PKP gikan Disyembre 25, 2023 hangtud Disyembre 26, 2023 sa gabii.