Maaaring maging batayan ng impeachment complaint o reklamo para patalsikin sa pwesto bilang bise presidente si Sara Duterte ang mga anomalya sa paggastos niya sa confidential and intelligence funds (CIF) noong 2022, ayon kay Rep. France Castro. Ibinunyag ni Castro na ipinababalik ng Commission on Audit ang ₱73 milyon sa ₱125 milyon na CIF ni Duterte dahil sa “maling paggamit” (misuse) ng upisina nito sa naturang pondo. Tungo rito, pinadalhan ng COA ang upisina ni Duterte ng pabatid na hindi pinahintulutan ang kanyang gastos.