Gin-gawas han Artista at Manunulat ng Sambayanan (Armas) an Ulos, pankultural nga dyornal, para ha 2024 hadton Enero 13, adlaw han ika-38 nga anibersaryo han grupo. Tinuyok an isyu han Ulos ha tema han dirudiretso nga pagpasulong han nasyunal-demokratiko nga rebolusyon ngan pagpursige han Partido, hukbo ngan rebolusyunaryo nga masa ha balayan han kagiusan nga pagtutul-id.

Gin-uunod han isyu an mga sanaysay, luwa, estorya, kanta, drowing ngan iba pa nga obra nga naglaladawan ha mga sakripisyo ngan pag-antos ha kinabuhi-ngan-kamatayon nga pag-ato han mga rebolusyunaryo. Ginlaladawan hini nga mga pyesa an puthaw nga pagkaurusa han mga rebolusyunaryo nga pwersa ha masa ngan an makurimot nga paghimo hin buruhaton masa agud balikan an nabayaan ngan makarekober.

An isyu han Ulos 2024 mayda 150 kapaypay nga nag-uunod hin obra nga nakasurat ha Pilipino, English, Iloko, Bisaya ngan Hiligaynon.

Poyde magkuha hin kopya han Ulos 2024 ha philippinerevolution.nu o mag-aro hin kopya tikang ha e-mail nga [email protected]. Mag-antabay la ha bag-o nga anunsyo han Armas ngan Ulos para ha pagtirok han mga kontribusyon ha masunod nga edisyon hini yana nga tuig.