Simple, kundi mahinungdanon an selebrasyon han Bagong Hukbong Bayan-Quezon (Apolonio Mendoza Command) ha ika-56 nga anibersaryo han Partido Komunista ng Pilipinas. Ginlansar nira an estilo nga kapehan nga pagsalin-urog ha usa nga prente ha South Quezon-Bondoc Peninsula.

Ha programa, ginpasidunggan han yunit an mga martir han Quezon ha naglabay nga tuig. Naghatag hin pahayag hin pakig-usa an mga bisita nga tinambong nga nagtikang ha mga alyado nga asosasyon han National Democratic Front of the Philippines (NDFP) sugad han Kabataang Makabayan at Artista at Manunulat ng Sambayanan.

Antes pa an Kapehan ginbasa ngan gin-adman han Pula nga hukbo an pahayag han Komite Sentral ngan mensahe han Sekretaryat han Komite nga Tagpatuman han Panrehiyon nga Komite han Partido ha Southern Tagalog ha anibersaryo han Partido. Ginpadig-on han mga pahayag ngan mensahe an panawagan nga “Magtul-id ngan Umabante!” nga amo gihapon nga tema han Kapehan.

Parte liwat han selebrasyon an pangaon han guti nga tima nga pagkaon, saru-saruay han eksperyensya ha naglabay nga tuig, pagburda, pagdrowing, karantahay ngan pagbasa hin pira nga Marxista-Leninista-Maoista nga libro.