Inparuk-at ti artista at Manunulat ng Sambayanan (Armas) ti Ulos, pangkultura a pagiwarnak, para iti 2024 idi Enero 13, aldaw ti maika-38 nga anibersaryo ti grupo. Ti isyu ti Ulos ket nagtayyek iti tema ti tuloy-tuloy a panangiyabante ti nailyan-demokratiko a rebolusyon ken panagpinget ti Partido, hukbo ken rebolusyonaryo a masa iti balangkas ti tignay panagilinteg.

Linaon ti isyu dagiti salaysay, daniw, istorya, kanta, drowing ken dadduma pay a partuat ti arte a mangiladladawan kadagiti sakripisyo ken panagsagaba iti biag-ken-patay a panaglaban dagiti rebolusyonaryo. Mailadladawan dagiti pyesa daytoy ti landok a panagkaykaysa dagiti rebolusyonaryo a pwersa iti masa ken ti naanus a panaggawaing masa tapno sublian dagiti naibati ken bumangon.

Ti isyu ti Ulos 2024 ket addaan 150 panid nga aglalaon kadagiti artikulo a naisurat iti Pilipino, English, Iloko, Bisaya ken Hiligaynon.

Mabalin a mangala ti kopya ti Ulos 2024 iti philippinerevolution.nu wenno dumawat ti kopya manipud iti e-mail nga [email protected]. Agpadaan laeng iti baro nga anunsyo ti Armas ken Ulos para iti panagkalap kadagiti kontribusyon iti sumaruno nga edisyon daytoy ita a tawen.