Gipabusikaran sa Bagong Hukbong Bayan (BHB)-Central Negros (Leonardo Panaligan Command) gamit ang M203 grenade launcher ang tropa sa 62nd IB nga nag-operasyon sa Sityo Lip-o, Barangay Imelda, Guihulngan City, Negros Oriental niadtong Hunyo 14. Tulo ka sundalo ang napatay sa atake.

Sumala sa mga residente, sikretong gikuha sa 62nd IB ang mga patayng lawas niadtong gabii sa Hunyo 14 paingon sa sentro sa Guihulngan City aron itago ang ilang kapildihan. Sama sa mga nangaging higayon, gitago kini sa mga sundalo aron dili madaut ang ilang imahe sa “pagdaug” batok sa hukbong bayan.

Ang armadong aksyon usa ka paagi sa BHB aron hatagan og hustisya ang daghang mga krimen sa 62nd IB batok sa katawhan sa Central Negros.