Ginparalisa kag ginsunog sang Bagong Hukbong Bayan (BHB)-South Central Negros (Romeo Nanta Command) ang duha ka dump truck kag isa ka backhoe nga ginagamit sa mapangwasak nga operasyon kwari sa Sityo Medel, Barangay Carabalan, Himamaylan City, Negros Occidental sadtong Hulyo 4. Naglab-ot sa ₱11 milyones ang danyos sa operasyon.

Ginpatuman ini sang BHB bilang pagprotektar sa komunidad kag kapalibutan tungod madugay na nga nagapangperwisyo ang kwari. Tungod sa kwari, naapektuhan ang mga ulumhan kag palangabuhian sang mga residente nga nagasandig sa suba.