Ginhiwat sa Rome, Italy sadtong Hunyo 27-28 ang “Pagtanum: Sowing Seeds of Faith Solidarity for the Filipino People’s Struggle for Peace,” isa ka pagtililipon sang kapin 70 ka tiglawas sang lain-lain nga pagtuluohan kag mga grupo sa tawhanon nga kinamatarung halin sa 13 ka pungsod. Ginpatigayon ini sa atubang sang gilayon nga kakinahanglanon para sa paghiliusa sa kubay sang tawong simbahan agud suportahan ang paghimakas sang mga Pilipino para sa kalinong.

Nagtipon man ang mga tiglawas sang lain-lain nga grupo kag sektor sa ginhiwat nga Mindanao-wide Peace Conference sadtong Hunyo 24 sa Cagayan De Oro City sa pagpanguna sang Council of Leaders for Peace Initiatives. Panawagan nila nga suportahan ang hinun-anon sa kalinong sa tunga sang GRP kag NDFP nga magasabat sa mga ugat sang armadong paghimakas sa pungsod.