Napatay sa Bagong Hukbong Bayan (BHB) ang upat ka sundalo sa Armed Forces of the Philippines (AFP) sa magkabulag nga engkwentro sa Samar ug Occidental Mindoro.

Sa pasiunang taho, dili moubos sa duha ka sundalo sa 8th ID ang napatay sa armadong aksyon sa BHB sa Barangay Babaclayon, San Jose de Buan, Samar niadtong Disyembre 3. Sa Occidental Mindoro, duha ka sundalo sa 76th IB ang napatay sa engkwentro sa Sityo Balite, Barangay Lumangbayan, Abra de Ilog niadtong Nobyembre 26. Daghan pa ang natahong nasamdan sa mga sundalo.

Samtang, niadtong Oktubre 28, tulo ka tropa sa 62nd IB ang napatay sa engkwentro sa BHB sa Barangay Quintin Remo, Moises Padilla, Negros Occidental. Sa pagkapildi niini, nagpaulan og bala ang 62nd IB ug napatay ang usa ka 6-anyos nga bata.