Israel ug US, gihukmang sad-an sa krimen sa henosidyo ug ecocide. Nahuman ang International People’s Tribunal (IPT) on Palestine nga nahitabo niadtong Nobyembre 22-23 sa Spain sa paghukum nga sad-an ang Zionistang estado sa Israel ug mga kakunsaba niining gubyerno sa US, UK, Germany, France ug uban pa sa krimeng henosidyo ug ecocide.

Niadtong Nobyembre 29, adunay panagtapok ang mga grupong pro-Palestine sa pagpanguna sa Philippines-Palestine Friendship Association aron hisgutan ug huptan ang hukum sa IPT. Gilunsad human niining ang usa ka mubong protesta atubangan sa University of the Philippines-Manila kung asa gilunsad ang panagtapok.

2 ka adlaw nga pagmakmak sa katutubong Cordilleran sa NCR. Gideklara sa mga katutubo gikan sa Cordillera nga nagmalampuson ang 2 ka adlaw nga kalampagan sa nasudnong sentro niadtong Nobyembre 25 ug 26. Tumong niining ipaabot sa mga ahensya ug departamento sa gubyerno, ingonman sa Kongreso, ang mga reklamo sa mga katutubo gikan sa rehiyon. Gipasiugdahan ang kalampagan sa Cordillera People’s Alliance.

Planong demolisyon sa Taytay, gikundena. Nagprotesta atubangan sa munisipyo sa Taytay, Rizal ang mga residente sa Sityo Sapang Gody ug Sityo Siwang sa Barangay San Juan niadtong Nobyembre 26 aron manawagan og dayalogo sa lokal nga gubyerno ug kundenahon ang hulgang demolisyon sa ilang lugar. Pugos nga ginailog sa Sta. Lucia Corporation ug ni Kristina Robles ang ilang gikaplastaran.

Kabatan-onan, supak sa Davao Bus Project. Nagprotesta ang Anakbayan-SMR niadtong Nobyembre 24 sa Davao City, aron ipanawagan ang pagbasura sa pekeng modernisasyon ug kontra-katawhan nga Davao Bus Project (DBP) sa lokal nga konseho sa Davao City. Ginapugos ang proyekto sa Asian Development Bank kakunsaba ang pamilyang Duterte sa syudad. Laraw sa proyekto nga lusawon ang nagaganar sistema sa transportasyon sa Davao nga gilangkuban sa mga moderno ug tradisyunal nga dyip, traysikel ug bus. Pagapondohan ang DBP og ₱54 bilyon nga utang gikan sa ADB.