Napatay sang Bagong Hukbong Bayan (BHB) ang apat ka soldado sang Armed Forces of the Philippines (AFP) sa separado nga engkwentro sa Samar kag Occidental Mindoro.

Sa pasiuna nga report, indi magnubo sa duha ka soldado sang 8th ID ang napatay sa armadong aksyon sang BHB sa Barangay Babaclayon, San Jose de Buan, Samar sadtong Disyembre 3. Sa Occidental Mindoro, duha ka soldado sang 76th IB ang napatay sa engkwentro sa Sityo Balite, Barangay Lumangbayan, Abra de Ilog sadtong Nobyembre 26. Madamo nga iban pa ang nareport nga napilasan sa mga soldado.

Samtang, sadtong Oktobre 28 tatlo ka tropa sang 62nd IB ang napatay sa engkwentro sa BHB sa Barangay Quintin Remo, Moises Padilla, Negros Occidental. Tungod sa ila kalutosan, nagpaulan sang bala ang 62nd IB kag napatay ang 6-anyos nga bata.