Sa Samar, gikan Nobyembre 22 militarisado ang mga barangay Gereganan, Marcos, San Miguel ug kasikbit nga mga komunidad sa Gandara. Bunga niini, kapin 100 ka lumulupyo sa barangay Marcos ug San Miguel ang napugos nga mobalhin sa ilang mga balay. Nagpahamtang usab og hamlet ang militar ug gipugngan ang pag-adto sa uma ug pagtrabaho.

Sa Northern Samar, naglunsad og aerial bombing ug pagpangistraping ang 8th ID sa Barangay Nipa, Palapag niadtong Nobyembre 29 sa alas-2 sa kaadlawon. Nagbunga kini og grabeng kahadlok sa mga residente.

Sa Kalinga, walay hunong ang operasyong kombat sa 103rd IB sa mga barangay sa Pinukpuk human sa mga engkwentro niini sa hukbong bayan niadtong Nobyembre 21. Nagkampo ang mga sundalo sa mga sentrong komunidad nga perwisyo sa panginabuhi ug seguridad sa mga residente. Niadtong Nobyembre 30, giutingkkay sa mga pulis ang balay sa tigpanalipud sa tawhanong katungod nga si Elma Awingan-Tuazon sa Barangay Cawagayan, Pinukpuk. Gisulong sa 20 ka pulis ang iyang balay sa pasangil nga nagpasilong sila og samarong manggugubat sa BHB.

Sa laing bahin sa nasud, natala ang mga kaso sa pag-aresto, pagpanunog, ug pagpamig-ot sa militar. Sa Navotas City, giaresto sa mga pulis ang kontra demolisyong lider-kababaihan na si Jane Alfabete niadtong Nobyembre 27.

Sa Negros Occidental, gisunog sa 15th IB ang balay sa mag-uumang si Carmelita Ulgasan sa Barangay Linaon niadtong Nobyembre 28 sa pasangil nga tigsuporta sila sa hukbong bayan. Padayon usab ang pagpamig-ot ni Warden Jsupt. Crisyrel Awe sa mga bilanggong pulitikal ug ubang priso sa prisohan sa Bago City. Nagprotesta ang mga priso ug ilang pamilya aron batukan kini niadtong Disyembre 3.

Sa Masbate, gikawat sa 2nd IB ang walo ka kabaw ug baka sa mga mag-uuma sa Lupaing Triple A sa Cawayan, Masbate niadtong Nobyembre 27. Ayha niini, gikawat usab sa mga sundalo ang inalimahang mananap sa mga mag-uuma sa mga barangay sa lungsod sa Mobo, Milagros ug Uson.