Antes ngan kahuman han Nobyembre 30, dirudiretso an paglalansar han KBKK han mga Black Friday Protest ngan iba nga paggios.

Landaw hadton Nobyembre 21 an nasyunal nga walkout han Youth Rage Against Corruption. Nagmartsa an 1,500 nga kabatan-unan ha Mendiola hito nga adlaw. Pagkabuwas, magkabulag nga aktibidad an ginlansar han Seniors Kontra Kurakot ngan han mga siklista komo protesta.

Hadton Nobyembre 28, usa nga nasyunal nga sit-down strike ngan protesta an ginpangunahan han Alliance of Concerned Teachers-Philippines. Nakig-usa ha aktibidad an mga magturutdo ha masobra 400 nga pampubliko nga eskoylahan ha 14 nga rehiyon ha nasud.